VRAE EN ANTWOORDE

 

V. Wat is die mens se grootste oordeelsfout ten opsigte van tyd?
A. Om ten opsigte van jou verhouding met God, uit te stel en te dink  môre is nog 'n dag, dan kan ek  met God reg maak"  
 
V.  Wat is 'n verdere groot fout wat deur mense gemaak kan word ten opsigte van tyd? 
A. Om te dink daar is 'n leeftyd oor om reg te maak met God! 
 
V. Wat is 'n nasie se grootste fout wat hulle kan maak? 
A. Om te dink dat terwyl hulle Godloos en Godtergend lewe, dat God verplig is om hulle te seën, te  bewaar en te behou.  Die geskiedenis bewys dat God nasies vernietig - is ons nasie 'n  uitsondering?
 
V. Hoe werk God se tyd?
A. God se tyd is altyd nou!
V. Wat is die mikrobestanddeel vir 'n mens se redding van die swaelbrandhel?
A. Die Adam-vloekvrye bloed van Christus wat reinig van alle sonde.

V.  Hoe ervaar 'n mens die verlossing deur Christus se bloed?
A. Jy erken jy het dit nodig en vra in geloof Christus om jou Verlosser te word.
 
V.  Wanneer het iemand Christus se bloed nodig?
A. Nou!

 V. Wat is die suiwerste definisie van God?
A. God.  1Joh 4:8.  
 
V. Wat is die grootste leemte in 'n mens?
A. Die gebrek aan God se liefde.
 
V.  Watter praktiese bewyse bestaan daar van die Bybel se Goddelike inspirasie?
 
A1. Die onuitputlikheid van die Bybel.  Geen ander boek kan herhaaldelik  gelees word en elke keer iets nuuts voortbring nie, slegs die Bybel het daardie Ingeboude vermoë.
 
A2. Argeologiese bewyse.  Argeologiese opgrawings saam met gepaardgaande geskiedenis bevestig herhaaldelik die waarheid en die inspirasie van die Bybel.
 
A3. Die eenheid van die Bybel.  Verskillende skrywers het oor die eeue geskryf aan die Bybel, tog is daar 'n wonderlike eenheid in die Bybel en daarom dat die skrif sê dat die ewige lewe in Christus Jesus te vinde is.
 
A4. Die profesieë van die Bybel.  Elke profesie ten opsigte van Jesus Christus se geboorte is letterlik tot op die letter. Dit kan nie toevallig gebeur nie en is baie sterk bewys van die Goddelike inspirasie van die Bybel.
 
A5. Die onvernietigbaarheid van die Bybel.  Alhoewel baie pogings in die geskiedenis aangewend is om die Bybel te vernietig, kon dit nooit slaag nie en bly die Bybel beskikbaar. 'n Seker teken van die Goddelike oorsprong van die Bybel.

V. Wat kan die Here nie doen nie?
A. Hy kan nie ‘n mens se sonde sien as dit onder die bloed van Christus bedek is nie.
 
V. Wat is die verlossings aksie van Jesus Christus se bloed.
A.    a. Dit alleen werk vergifnis van die mens se sonde by God. Heb.9:22
        b. Dit reinig  van alle sonde. 1Joh 1:7
        c. Dit maak heilig. Heb. 13:12.
        d. Dit gee lewe. Joh. 6:54.
        e. Dit oorwin satan. Openb.12:11
 
V.  Wat is die sonde teen die Heilige Gees wat jou nie vergewe sal word nie?
A.  Luk12:10 "En elkeen wat 'n woord  teen die Seun van die mens sal spreek, dit sal hom vergewe word;  maar vir hom wat gelaster het teen die Heilige Gees, sal dit nie vergewe word nie."
 
 
V.  Wat is die suiwerste definisie van liefde ?
A.  GOD!  (Hy wat nie liefhet nie, het God nie geken nie, want God is liefde.  -  (1Joh. 4:8)
 
V.  Wat is die kragtigste ondervinding van God se liefde?
A.  In 'n mens se hart!
 
V.  Wat is die dodelikste gebrek wat 'n mens kan ly?
A.  Die gebrek aan God se liefde in jou hart!
 
 
V.  Wat is die mees belangrike begeerte wat God vir die mens het?
A.  Dat die mens moet lewe uit die oorvloed van die lewe wat God aan 'n mens uit genade  gee.  (Joh.10:10)
 
V.  Is God se verlossing slegs daarop ingestel  om die mens van die hel alleen te red? 
A.  Nee, God se hele verlossing is vir die hele  mens, gees, siel en liggaam. (1Thes.5:23) 
 
V.  Is daar Bybelse hulp en verlossing vir die depressiewe  persoon?
A. Ja, alhoewel dit nie noodwendig 'n kortpad is nie. (Fil:4:13)
 
V.  Hoe seker kan iemand wees dat God 'n depressiewe persoon kan help?
A.  Baie seker, aangesien God oppermagtig is en Hy spesialiseer om onmoontlike dinge reg te kry. (Matt.19:26)